Sunday, September 9, 2018

தமிழக ஆசிரியர் கூட்டணி புதிய மாவட்டப் பொறுப்பாளர்கள் தேர்வு


கிருஷ்ணகிரி வருவாய் மாவட்டம் கல்வித் துறையின் நிர்வாக வசதிக்காக 4 கல்வி மாவட்டங்களாகப் பிரிக்கப்பட்டதன் காரணமாக தமிழக ஆசிரியர் கூட்டணியின் மாவட்ட அமைப்பு, மாநில தேர்தல் விதித் திருத்தத்தின் அடிப்படையில் கல்வி மாவட்ட அளவில் மாவட்டப் பொறுப்பாளர்கள் தேர்வு செய்யப்பட்டனர்.
ஒசூர் சூடவாடி துவக்கப் பள்ளியில் தமிழக ஆசிரியர் கூட்டணியின் கிருஷ்ணகிரி வருவாய்  மாவட்ட சிறப்புப் பொதுக்குழுக் கூட்டம் அதன் மாவட்டத் தலைவர் திரு செ. இராஜேந்திரன் அவர்கள் தலைமையில் நடைபெற்றது.
முன்னதாக மாவட்டச் செயலாளர் திரு ம. பவுன்துரை அனைவரையும் வரவேற்றார். தலைவர் தமது உரையில், கிருஷ்ணகிரி மாவட்டம் கல்வித் துறையின் நிர்வாக வசதிக்காக மத்தூர், கிருஷ்ணகிரி, ஒசூர், டெங்கனிக்கோட்டை என 4 கல்வி மாவட்டங்களாகப் பிரிக்கப்பட்டது பற்றியும் ஆசிரியர் நலன் காக்கும் வகையில் மாவட்டக் கல்வி அலுவலர்களை எளிதில் சந்தித்து பிரச்சனைகளுக்கு தீர்வு காணும் வகையில் மாநில சட்ட விதிகளில் மேற்கொள்ளப்பட்ட திருத்தம் குறித்தும் விரிவாக எடுத்துக் கூறினார்.
மாவட்ட, வட்டாரப் பொறுப்பாளர்களின் கருத்துரைகளுக்குப் பின்னர் மத்தூர், ஒசூர், டெங்கனிக்கோட்டை ஆகிய கல்வி மாவட்டங்களுக்கு கீழ்க் கண்ட பொறுப்பாளர்கள் ஒருமனதாகத் தேர்வு செய்யப்பட்டனர்.
மத்தூர் கல்வி மாவட்டம்
1.   மாவட்டத் தலைவர்      :     சா. இராஜேந்திரன்
2.   மாவட்டச் செயலாளர்    :     செ. இராஜேந்திரன்
3.   மாவட்டப் பொருளாளர்   :     த. செல்வம்
4.   மாவட்ட மகளிர் அணி   :     க. தமிழ்ச்செல்வி
5.   மாவட்ட து. தலைவர்    :     இரா. சாந்தா
6.   மாவட்ட து. செயலாளர்  :     பா.ஜியாவுல்லா
7.   மாவட்ட தணிக்கைக் குழு :     சி. மாதையன்
நிகழ்வில் மாநிலப் பொருளாளர் திரு க. சந்திரசேகர் அவர்கள் புதியதாக தேர்வு பெற்ற பொறுப்பாளர்களுக்கு பதவிப் பிரமாணம் செய்து வைத்து சிறப்புரை ஆற்றினார்.
மேலும் சேலம் மாவட்டத் தலைவர் திரு க. உதயகுமார், ஊத்தங்கரை வட்டாரச் செயலாளர் சே. லீலாகிருஷ்ணன், மத்தூர் வட்டாரச் செயலாளர் இரா. தனசேகரன், ஒசூர் வட்டாரம் சார்பில் வெ.இராஜேந்திரன் சூளகிரி வட்டாரச் செயலாளர் இரா.இராஜேஸ் எபனேசர்,  கெலமங்கலம் வட்டாரச் செயலாளர் வே. சுமன், தளி வட்டாரச் செயலாளர் என்.லோகேஷ் உள்ளிட்ட அனைத்து பொருப்பாளர்களும் வாழ்த்துரை வழங்கினர்.  
     இறுதியில் டெங்கனிக்கோட்டை கல்வி மாவட்டத் தலைவர் தூ. மனுநீதி அனைவருக்கும் நன்றி கூறினார். 
























Saturday, August 25, 2018

தமிழக ஆசிரியர் கூட்டணி சிறப்புக் கூட்டம்




தமிழக ஆசிரியர் கூட்டணியின் ஊத்தங்கரை, மத்தூர் வட்டாரக் கிளைகளின் சிறப்பு பொதுக்குழுக் கூட்டம் இன்று (25.08.2018) ல் ஊத்தங்கரையில் நடைபெற்றது.
ஊத்தங்கரை வட்டாரத் தலைவர் திரு கி. நாகேஷ் அவர்கள் தலைமையில் நடைபெற்ற சிறப்புக் கூட்டத்திற்கு வட்டாரச் செயலாளர் திரு சே. லீலாகிருஷ்ணன் வரவேற்புரை ஆற்றினார். மத்தூர் வட்டாரச் செயலாளர் திரு ப. தனசேகர் கருத்துரை வழங்கினார்.
சிறப்பு அழைப்பாளராக கிருஷ்ணகிரி மாவட்டத் தலைவர் திரு. செ. இராஜேந்திரன் அவர்கள் கலந்துக் கொண்டார். அவர் தனது சிறப்புரையில் இதுவரையில் வருவாய் மாவட்ட அளவில் செயல்பட்ட கிளைகள், மாநில அமைப்பின் சட்ட விதிகள் திருத்தத்தின் படி, நிர்வாக வசதிக்காக கல்வி மாவட்ட அளவில் செயல்படும் எனவும் அதற்கான புதிய பொருப்பாளர்கள் தேர்வு செய்வது குறித்தும், தமிழக அரசால் அமைக்கப்பட்டுள்ள பங்கேற்பு ஓய்வூதிய மாற்றம் மற்றும் ஊதியக் குழு முரண்பாடுகள் களையும் குழுக்கள் விரைவில் தனது அறிக்கைகளை வெளியிட வேண்டியதன் அவசியம் குறித்தும், அரசு பள்ளிகளில் குறைந்து வரும் மாணவர் சேர்க்கையை அதிகரிக்கச் செய்ய வேண்டியதன் அவசியம் குறித்தும் விரிவாகப் பேசினார்.
பின்னர் கீழ்க்கண்ட தீர்மானங்கள் ஒருமனதாக நிறைவேற்றப்பட்டது.
தீர்மானம் : 1.
     புதிய மத்தூர் கல்வி மாவட்டத்திற்கு பொருப்பாளர்களாக ஊத்தங்கரை மற்றும் மத்தூர் வட்டாரங்களில் இருந்து ஒருமனதாக தேர்வு செய்யப்பட்டவர்களுக்கு ஒப்புதல் வழங்குதல்.

தீர்மானம் : 2.
     கல்வி மாவட்ட அளவில் கிளைகள் துவக்கப்படுவதால் மாவட்டக் கிளைக்கான முழு அங்கீகாரம் பெறும் வகையில் உறுப்பினர் எண்ணிக்கையை அதிகரிக்க நடவடிக்கை மேற்கொள்ள தீர்மானிக்கப்படுகிறது.
தீர்மானம் : 3.
     பங்கேற்பு ஓய்வூதியத் திட்டத்தை மாற்றி அமைக்க வேண்டி தமிழக அரசால் அமைக்கப்பட்ட குழுவின் அறிக்கையை விரைவில் பெற்று நடைமுறையில் உள்ள பங்கேற்பு ஓய்வூதியத் திட்டத்தை கைவிட்டு பழைய ஓய்வூதியத் திட்டத்தை நடைமுறைப்படுத்த தமிழக அரசை கேட்டுகொள்ளல்.
தீர்மானம் : 4.
     இடைநிலை ஆசிரியர் உள்ளிட்டவர்களுக்கு ஊதியக் குழுவில் ஏற்பட்ட  ஊதிய நிர்ணய முரண்பாடுகளை களைய தமிழக அரசால் அமைக்கப்பட்ட ஒருநபர் குழுவின் அறிக்கையை விரைவில் பெற்று ஊதிய முரண்பாடுகளை களைய தமிழக அரசைக் கேட்டுக்கொள்ளல்
தீர்மானம் : 5.
     தமிழகத்தில் அனைத்து துவக்கப் பள்ளிகளிலும் மாணவர் எண்ணிக்கையை கருத்தில் கொள்ளாமல் குறைந்தது இரண்டு ஆசிரியர் பணி புரியும் நிலையை உறுதி செய்ய தமிழக அரசை வலியுறுத்துதல்.
தீர்மானம் : 6.
     அரசால் பள்ளிகளுக்கு வழங்கப்படும் புதிய தொழிற்நுட்ப வசதிகள் உள்ளிட்ட அனைத்து சிறப்பு வசதிகளையும் மாணவர் எண்ணிக்கையை கருத்தில் கொள்ளாமல் அனைத்து பள்ளிகளுக்கும் வழங்க வேண்டல்.
தீர்மானம் : 7.
     மறைந்த முன்னால் முதல்வர் கலைஞர் மு. கருணாநிதி மற்றும் முன்னால் பிரதமர் அடல்பிகாரி வாஜ்பாயி ஆகியோருக்கு ஆழ்ந்த இரங்கலைத் தெரிவித்தல்.
இறுதியில் வட்டாரப் பொருளாளர் திரு த செல்வம் அனைவருக்கும் நன்றி கூறினார்.
     கூட்டத்தில் மத்தூர் வட்டாரப் பொருளாளர் க. இராஜேந்திரன், ஊத்தங்கரை வட்டார மகளிர் அணிச் செயலாளர் க. தமிழ்ச்செல்வி, செயற்குழு உறுப்பினர்கள் ஈ. அகிலாண்டேஸ்வரி, ச.சித்ரா, இரா.சாந்தா, க. சரஸ்வதி உள்ளிட்ட அனைத்து உறுப்பினர்களும் கலந்துக்கொண்டனர்.







Thursday, August 23, 2018

வட்டார கல்வி அலுவலர்- வட்டார வள மையங்களில் மேற்கொள்ளப்படும் செலவினங்களுக்கு காசோலைகளில் கையொப்பமிடுதல் -சார்பு




பள்ளிக் கல்வி துறை செயலர் உதயச்சந்திரன் அவர்கள் தொல்லியல் துறைக்கு மாற்றம்.....





மூத்த ஐ.ஏ.எஸ் அதிகாரிகளை இடமாற்றம் செய்து தமிழக அரசு உத்தரவிட்டுள்ளது. பள்ளிக்கல்வி செயலாளர் உதயசந்திரன் இடமாற்றம் செய்யப்பட்டுள்ளார். தொல்லியல்துறை ஆணையராக நியமனம் செய்யப்பட்டுள்ளார். உயர்கல்வித்துறை செயலாளர் சுனில் பாலிவால் தொழிலாளர் நலத்துறைக்கு மாற்றப்பட்டுள்ளார்.


Full List




Thursday, August 9, 2018

தரம் உயர்த்தப்பட்ட பள்ளிகளில் உடனே 11 ஆம் வகுப்பு பாட பிரிவுகளை ஆரம்பிக்க பள்ளிக்கல்வி துறை இயக்குநரின் செயல்முறைகள்


தமிழகத்தில் உள்ள அரசு மற்றும் நகராட்சி பள்ளிகளில் 95 அரசு மற்றும்நகராட்சி பள்ளிகள் மேல்நிலை பள்ளிகளாக தரம் 


உயர்த்தப்பட்டுள்ளன.இதனால் 95 பள்ளிகளில் ஒவ்வொரு பள்ளியிலும் 9முதுகலை பட்டதாரி ஆசிரியர்களை பணியமர்த்த வேண்டிய நிலை உருவாகியுள்ளது.எனவே ஏற்கனவே உள்ள காலி இடங்களுடன் புதிதாகஉருவாக்கப்பட்டுள்ள காலி பணியிடங்களை நிரப்ப PGTRB தேர்வு அறிவிப்புவெளியாகும்.

அரசாணை எண். 165, நாள்:* *07-08-2018 - உயர்நிலைப்* *பள்ளிகளாக தரம் உயர்த்தப்பட்டுள்ள நடுநிலைப்பள்ளிகளின் பட்டியல். தமிழக அரசு அரசாணை வெளியீடு.*


அரசாணை எண். 165, நாள்:* *07-08-2018 - உயர்நிலைப்பள்ளிகளாக 


தரம் உயர்த்தப்பட்டுள்ள நடுநிலைப்பள்ளிகளின் பட்டியல். தமிழக அரசு அரசாணை வெளியீடு.*

CLICK HERE TO DOWNLOAD -MIDDLE TO HIGH SCHOOL LIST

Monday, July 9, 2018

1,6,9,11 TEACHERS HAND BOOK DOWNLOAD EM/TM

                               

  http://www.tnscert.org/tnscert/ebooks/

கனவு ஆசிரியர் - 2018 | மாண்புமிகு தமிழ்நாடு முதலமைச்சர் திரு.எடப்பாடி கே. பழனிசாமி அவர்கள் இன்று (9.7.2018) தலைமைச் செயலகத்தில் "கனவு ஆசிரியர்" விருதுகளையும், ஊக்கத் தொகையாகதலா 10,000 ரூபாய்க்கான காசோலைகளையும் வழங்கினார்கள்.



கனவு ஆசிரியர் - 2018 | மாண்புமிகு தமிழ்நாடு முதலமைச்சர் திரு.எடப்பாடி கே. பழனிசாமி அவர்கள் இன்று (9.7.2018) தலைமைச் செயலகத்தில், சிறந்த முறையில் மாணவர்களை
பயிற்றுவித்த அரசு, ஊராட்சி ஒன்றிய தொடக்க மற்றும் நடுநிலைப் பள்ளிகள், உயர்நிலை மற்றும் மேல்நிலைப் பள்ளிகளில் பணிபுரியும் 140 ஆசிரியர்களுக்கு
"கனவு ஆசிரியர் விருதுகளை வழங்கிடும் அடையாளமாக 5 ஆசிரியர்களுக்கு "கனவு ஆசிரியர் விருதுகளையும், ஊக்கத் தொகையாக
தலா 10,000 ரூபாய்க்கான காசோலைகளையும் வழங்கினார்கள்.

பள்ளிக்கல்வி இயக்குநர்களின் பொறுப்பு மாற்றம்......


 தமிழக அரசின் புதிய சட்டப்படி, இயக்குநர்களுக்கான பொறுப்புகள் மாற்றப்பட்டுள்ளன.மெட்ரிக் பள்ளி இயக்குநர், தனியார் பள்ளி இயக்குநர் என, பெயர் மாற்றப்பட்டு, கூடுதல் அதிகாரங்கள் வழங்கப்பட்டுள்ளன.

தமிழகத்தில், அரசு தொடக்க மற்றும் நடுநிலை பள்ளிகளின் நிர்வாகத்தை, தொடக்க பள்ளி இயக்குநர் கவனித்து வந்தார்.அரசு உயர்நிலை மற்றும் மேல்நிலைப்பள்ளி மற்றும் சி.பி.எஸ்.இ., பள்ளிகளின் நிர்வாகத்தை, பள்ளிக்கல்வி இயக்குநரும், மெட்ரிக் பள்ளிகள் நிர்வாகத்தை, மெட்ரிக்குலேஷன் பள்ளிகள் இயக்குநரும் கவனித்து வந்தனர்.
  
இந்நிலையில், தமிழக அரசு இயற்றியுள்ள, தனியார் பள்ளிகள் ஒழுங்குமுறை சட்டம், 2018ன் படி, இயக்குநர்களுக்கான பொறுப்புகள் மாற்றப்பட்டு உள்ளன.தனியார் பள்ளிகளுக்கு என, தனி இயக்குநர் நியமிக்கப்பட்டுள்ளார்.மெட்ரிக் இயக்குநர் பதவி நீக்கப்பட்டு, அந்தப் பதவிக்கான பொறுப்புகள், தனியார் பள்ளிகள் இயக்குநர் வசம் மாற்றப்பட்டுள்ளன.
மாற்றம் என்ன?.
  
தமிழக அரசின் புதிய சட்டப்படி, ஐந்தாம் வகுப்பு வரையுள்ள அரசு மற்றும் அரசு உதவி பெறும் தொடக்க பள்ளிகள் மற்றும் எட்டாம் வகுப்பு வரையுள்ள நடுநிலைபள்ளிகளின் நிர்வாகத்தை, தொடக்க கல்வி இயக்குநர் கவனிப்பார்.
10ம் வகுப்பு வரை செயல்படும், அரசு மற்றும் அரசு உதவி பெறும் உயர்நிலை பள்ளிகள், பிளஸ் 2 வரை செயல்படும், மேல்நிலை பள்ளிகள் மற்றும் ஆங்கிலோ இந்தியன் பள்ளிகளை, பள்ளிக்கல்வி இயக்குநர் கவனிப்பார்.
மெட்ரிக் பள்ளிகளுக்கு என, தனி இயக்குநர் கிடையாது. மாறாக, தனியார் பள்ளிகள் இயக்குநர் என்ற, புதிய பதவி உருவாக்கப்பட்டுள்ளது இவரே, தனியார் மெட்ரிக் பள்ளிகள், சுயநிதி பள்ளிகள்,சி.பி.எஸ்.இ., பள்ளிகள்,ஐ.சி.எஸ்.இ., பள்ளிகள்,ஐ.பி., என்ற சர்வதேச பாடத்திட்ட பள்ளிகள் மற்றும் கேம்பிரிட்ஜ் போன்ற, பிறவகை பாடத்திட்ட பள்ளிகளின் நிர்வாகத்தை கவனிப்பார்தனியார், 'பிளே ஸ்கூல்' என்ற மழலையர் பள்ளி, பிரைமரி பள்ளிகள், தனியார் ஆசிரியர் பயிற்சி நிறுவனங்கள் போன்றவற்றின் நிர்வாகங்களையும், தனியார் பள்ளிகள் இயக்குநரே கவனிப்பார் என, அறிவிக்கப்பட்டு உள்ளது.

ENGLISH READING PRACTICE FOR PRIMARY STUDENTS

கூட்டுறவு சங்கத் தேர்தல்: 23ஆம் தேதி தீர்ப்பு.....



கூட்டுறவு சங்கத் தேர்தல் தொடர்பாக திமுக கொறடா சக்கரபாணி தொடுத்த வழக்கில் ஜூலை 23ஆம் தேதி தீர்ப்பு வழங்கப்படும் என சென்னை உயர் நீதிமன்றம் இன்று அறிவித்துள்ளது.

தமிழகத்தில் கூட்டுறவு சங்கத் தேர்தல்களில் முறைகேடுகள் நடப்பதாகவும், வேட்பு மனு ஏற்பதில் பாரபட்சம் காட்டப்படுவதாகவும், உரிய விளக்கமின்றி மனுக்கள் நிராகரிக்கப்படுவதாகவும் குற்றம்சாட்டி திமுக கொறடா சக்கரபாணி, கூட்டுறவுச் சங்கங்களில் போட்டியிட்டவர்கள் என 400க்கும் அதிகமானோர் சென்னை உயர்நீதி மன்றம் மற்றும் உயர்நீதி மன்றக் மதுரை கிளையில் மனு தாக்கல் செய்திருந்தனர்.

இது தொடர்பான வழக்குகளை விசாரித்த உயர் நீதிமன்ற மதுரைக் கிளை கூட்டுறவுச் சங்கத் தேர்தல் பணிகளை நிறுத்தி வைக்கவும், 3, 4 மற்றும் 5ஆவது கட்ட தேர்தல்களை நடத்தத் தடை விதித்தும் உத்தரவிட்டது.

இந்த உத்தரவை எதிர்த்துக் கூட்டுறவுச் சங்கத் தேர்தல் ஆணையம் சார்பில் உச்ச நீதிமன்றத்தில் மேல்முறையீடு செய்யப்பட்டது. இந்த வழக்குகளை விசாரித்த உச்ச நீதிமன்றம், தமிழகத்தில் கூட்டுறவுச் சங்கத் தேர்தலை நடத்தலாம் எனவும், முடிவுகளை அறிவிக்கக் கூடாது எனவும் உத்தரவிட்டதுடன், சென்னை உயர் நீதிமன்ற தலைமை நீதிபதி அமர்வு விரைந்து விசாரிக்க உத்தரவிட்டது.

அதன்படி சென்னை உயர்நீதிமன்ற தலைமை நீதிபதி இந்திரா பானர்ஜி, நீதிபதி பி.டி.ஆஷா அமர்வில் மதுரை உயர் நீதிமன்றதில் உள்ள அனைத்து வழக்குகளையும் ஒன்றாகச் சேர்த்து சுமார் 400க்கும் மேற்பட்ட வழக்குகளை விசாரித்தது.

இரு தரப்பு வாதங்களையும் கேட்ட நீதிபதிகள், அனைத்துத் தரப்புகளும் எழுத்துபூர்வமான வாதங்களைத் தாக்கல் செய்ய வேண்டும் என உத்தரவிட்டனர். அதன்படி எழுத்துபூர்வமான வாதங்கள் கூட்டுறவு சங்க ஆணையர் சார்பில் தாக்கல் செய்யப்பட்டன. அதனையடுத்து இந்த வழக்குகளுக்கான தீர்ப்பு வரும் 23ஆம் தேதி அறிவிக்கப்படும் என்று நீதிபதிகள் இன்று உத்தரவிட்டுள்ளனர்.

மாணவர்களின் நலன் காக்கும் ராகிங் தடுப்பு 'ஆப்':-மனிதவள மேம்பாட்டுத்துறை அறிமுகம்!



மத்திய மனிதவள மேம்பாட்டு துறையால் துவக்கப்பட்ட, ஆன்டி ராகிங் மொபைல் ஆப்' குறித்து கல்லுாரி மாணவர்கள் மத்தியில் விழிப்புணர்வு ஏற்படுத்த, யு.ஜி.சி., உத்தரவிட்டுள்ளது.2017ம் ஆண்டு மே மாதம், மத்திய மனிதவள மேம்பாட்டு துறை உதவியுடன், யு.ஜி.சி., சார்பில், ராகிங் தடுப்புக்கான பிரத்யேக செயலி அறிமுகப்படுத்தப்பட்டது.


மாணவர்கள் ராகிங் புகார்களை நேரடியாக இச்செயலில் பதிவு செய்வதற்கும், புகாருக்கான நகல் எடுக்கவும், புகார் சார்ந்த நடவடிக்கை செயல்பாடுகளை அறிந்துகொள்ளவும், வசதிகள் ஏற்படுத்தப்பட்டுள்ளன. பொழுதுபோக்கு சார்ந்த செயலிகளை, அதிகம் பயன்படுத்தும் மாணவர்களுக்கு, இதுபோன்ற செயலியின் பயன்பாடு குறித்த விழிப்புணர்வு இல்லை.2018---2019ம் கல்வியாண்டு துவங்கியுள்ள நிலையில், கல்லுாரிகளில் ராகிங் தடுப்பு குழு அமைத்தல், குழு உறுப்பினர்கள் விபரங்களை தகவல் பலகையில் ஒட்டுதல், கண்காணிப்பு கேமராக்களை பொருத்துதல் உள்ளிட்ட பல்வேறு செயல்பாடுகளை மேற்கொள்ள அறிவுறுத்தப்பட்டுள்ளது.


முதலாமாண்டு மாணவர்களுக்கு, ஆன்டி ராகிங் மொபைல் ஆப்' பயன்பாடு மற்றும் பயன்படுத்தும் முறை குறித்து விழிப்புணர்வு ஏற்படுத்தவும் உத்தரவிடப்பட்டுள்ளது.பேராசிரியர் அழகர்சாமி கூறுகையில், ஒரு சில கல்லுாரிகளில், ராகிங் புகார்கள் காவல்நிலையங்களுக்கு கொண்டு செல்லாமல், மறைக்கப்படுகிறது. பாதிக்கப்பட்ட மாணவர்களுக்கு தீர்வு கிடைக்காமல், பல்வேறு சிக்கல்களுக்கு ஆளாகின்றனர். இனி, இச்செயலி மூலம் மாணவர்கள் புகாரை பதிவு செய்தால், உடனடியாக தீர்வு கிடைக்கும். மாணவர்கள் இதனை பதிவிறக்கம் செய்து, பயன்பாடு குறித்து, அறிந்து வைத்திருப்பது அவசியம்,'' என்றார்.

SCERT- தொடக்க/நடு/உயர்/மேல்நிலை ஆசிரியர்களுக்கு காணொலி மூலம் பயிற்சி - இயக்குனர் செயல்முறைகள்