தமிழக ஆசிரியர் கூட்டணி, கிருஷ்ணகிரி மாவட்டக் கிளையின் முப்பெரும் விழா......

தமிழக ஆசிரியர் கூட்டணி கிருஷ்ணகிரி மாவட்டக் கிளையின் சார்பில் முப்பெரும் விழா 23.09.2023ல் ஒசூரில் உள்ள ஓட்டல் தமிழ்நாடு கூட்டரங்கில் நடைபெற்றது. ஆசிரியர் தினவிழா, பணிநிறைவு பெற்றவர்களுக்கு பாராட்டுவிழா, தலைமைப் பண்பு கருத்தரங்கம் ஆகியவை இணைந்த முப்பெருவிழாவாக நடைபெற்ற இவ்விழாவிற்கு ஒசூர் கல்வி மாவட்டத் தலைவராக இருந்த வெ. இராஜேந்திரன் தலைமை தாங்கினார். டி. ஜான்சங்கர் முன்னிலை வகித்தார். முன்னதாக கிருஷ்ணகிரி மாவட்ட ஒருங்கிணைப்பாளராக இருந்த ம. பவுன்துரை அனைவரையும் வரவேற்றார். என்.லோகேஷ், செ. இராஜேந்திரன், தூ. மனுநீதி, இரா. இராஜேஸ் எபிநேசர் ஆகியோர் வாழ்த்துரை வழங்கினர். மாநிலத் தலைவர் திருமிகு மா. நம்பிராஜ், மாநிலப் பொதுச் செயலாளர் திருமிகு அ. வின்செண்ட் பால்ராஜ், மாநிலப் பொருளாளர் திருமிகு க.சந்திரசேகர் ஆகியோர் சிறப்புரை ஆற்றினர். தொடர்ந்து அகில இந்திய துவக்கப் பள்ளி ஆசிரியர் சங்கங்களின் கூட்டமைப்பின் அகில இந்திய பொதுச் செயலாளர் மதிப்புமிகு அண்ணன் வா. அண்ணாமலை அவர்கள் ஓய்வு பெற்ற ஆசிரியர்களுக்கு பாராட்டு செய்தும், இயக்கப் பொருப்பாளர்களுக்கு தலைமைப் பண்பு கருத்தரங்க உரை நிகழ்த்தியும், ஆசிரியர் தின பேருரை ஆற்றினார். அப்போது அவர் இன்றைய சவாலான காலகட்டத்தில் ஆசிரியர்கள் ஆற்ற வேண்டிய பணிகள் குறித்தும், ஆசிரியர்களுக்கு அரசு நிறைவேற்ற வேண்டிய கோரிக்கைகள் பற்றியும் விரிவாக எடுத்துக் கூறி எமிஸ் என்னும் அரக்கனின் பிடியில் இருந்து விடுதலை பெறும் நாளே ஆசிரியர்களுக்கான பொற்காலம் என்றும் கூறி முடித்தார். இறுதியில் இசக்கிஞானம் அனைவருக்கும் நன்றி கூறினார். விழாவில் 200க்கும் மேற்பட்ட ஆசிரியர்கள் கலந்துக்கொண்டனர்.

1 முதல் 8 வகுப்பு மாணவர்களுக்கான முதல் பருவ விடுமுறை மற்றும் மீள பள்ளித் திறக்கும் நாள் விபரங்களை பள்ளிக் கல்வித் துறை வெளியிட்டுள்ளது......

பள்ளிக்கு குடிநீர் சுத்திகரிப்பான் வழங்கிய முன்னாள் மாணவர்கள்...

ஊத்தங்கரை ஒன்றியம் ஜோதிநகர், ஊராட்சி ஒன்றிய நடுநிலைப் பள்ளியில், இன்று (24.06.2023) எட்டாம் வகுப்பு வரை முடித்த முன்னாள் மாணவர்கள் தாம் பயின்ற பள்ளிக்கு உதவிடும் வகையில் குடிநீர் சுத்திகரிப்பான் இயந்திரம் வழங்கினர். இந்நிகழ்வில் பொறுப்பு தலைமை ஆசிரியர் மஞ்சுநாதன், உதவி ஆசிரியர் இராம்குமார், தற்காலிக ஆசிரியர் அனிதா மற்றும் பள்ளி மேலாண்மை குழு உறுப்பினர்கள் கோகிலா, பாரதி ஆகியோரும் கலந்துக்கொண்டனர். குடிநீர் சுத்திகரிப்பான் வழங்கிய முன்னாள் மாணவர்களான விநோதினி, ரஞ்சிதா, பியங்கா, பாரதி, பிரேம்குமார், கோகுல், விக்னேஷ், அருண்குமார், பாண்டியன், கார்த்தி, நவீன்குமார், இராமன், லட்சுமணன், பிரபு, சுரேந்தர் ஆகியோருக்கு பள்ளியின் சார்பில் நன்றியும் வாழ்த்துகளும் தெரிவிக்கப்பட்டது. இவர்களில் ஒரு மாணவன் தற்போது சென்னை IIT யில் படித்து கொண்டு இருப்பது இப் பள்ளிக்கு பெருமை தரும் செய்தியாகும்.

G.O.Ms.No.142/143 - அரசு ஊழியர், ஆசிரியர்களுக்கு 4% அகவிலைப்படி உயர்வு அரசாணை வெளியீடு.....

4% அகவிலைப் படி உயர்வு - தமிழ்நாடு முதலமைச்சர் உத்தரவு. 01.04.2023 முதல் அகவிலைப்படி உயர்வு - இனிவரும் காலங்களில் ஒன்றிய அரசு அறிவிக்கும் போதெல்லாம் உடனுக்குடன் அதைப் பின்பற்றி தமிழ்நாடு அரசும் செயல்படுத்தும் என முதலமைச்சர் அறிவித்தார். அரசு அலுவலர்கள் மற்றும் ஆசிரியர்கள் தொடர்ந்து வலியுறுத்தி வரும் கோரிக்கையான அகவிலைப்படி உயர்வு குறித்து கனிவுடன் பரிசீலித்து, இந்த உயர்வினை 01.04.2023 முதல் செயல்படுத்திட மாண்புமிகு தமிழ்நாடு முதலமைச்சர் திரு. மு.க. ஸ்டாலின் அவர்கள் உத்தரவிட்டுள்ளார்கள். இதன்படி, தற்போது 38 சதவீதமாக உள்ள அகவிலைப்படி 01.04.2023 முதல் 42 சதவீதமாக உயர்த்தப்பட்டு வழங்கப்படும். அரசு அலுவலர்கள் மற்றும் ஆசிரியர்கள் தொடர்ந்து வலியுறுத்தி வரும் கோரிக்கையைக் கனிவுடன் பரிசீலித்து, எதிர்வரும் காலங்களிலும் ஒன்றிய அரசு அகவிலைப்படி உயர்வை அறிவிக்கும்போதெல்லாம், உடனுக்குடன் தமிழ்நாடு அரசும் அதைப் பின்பற்றி அரசு அலுவலர் மற்றும் ஆசிரியர்களுக்கும் அகவிலைப்படி உயர்வைச் செயல்படுத்திடும். file:///C:/Users/Hp/Downloads/GO_Ms_No_142_Finance%20(Allowance)_Dated_17.05.2023_FC%20-%20Final%20-%20English.pdf

அரசு ஊழியர்களுக்கு வீடு கட்ட வழங்கும் முன்பண உச்சவரம்பு 40 இலட்சத்திலிருந்து 50 இலட்சமாக உயர்த்தி அரசாணை வெளியீடு!

G.O (Ms.)No.52, dt 17.05.2023 - Download here...